কবিতাঃ গভীনত, সুহৃদ চাক্‌মা

হাজেনেই তোগে চাং কনদিন ন-দ’ পাং তুয়া মুই তোগে যাং

কুধু ম’ পুরানা সমারুন কি এ-ল’ তারা নাঙ?

সেই কোইয়্যউন ন-ভরন পেরাউন উরিদন নেই নেই সেই কধানি

সেই মন সেই সুখ সেই গান সেই নাঙানি।

ফিরি এই আর’  যেই তোগে চাং গুর’ মন-মনানি

যিদু মুই হারেয়্যং স্ববনর রাঙা রঙ রঙানি

হাওঝর স্ববনর সেই সুখ নেই, নেই মনানত-

ফুল যেন ঝরি যেই নুও গরিফুদে আ’ বাগানত

মুইও যেন মনানত নুও গরি ফুল ফুদে চাং রাঙা-রাঙা সোজ-সোজ হে্‌ল-হে্‌ল।

যিদু মর মন’ দেচ লুগি থেই সুঘ, ন এ-ল’ কন বেইল।

তুয়া-দ ‘-ন পারং ফিরি যেই হাওঝে হারেয়্যে দিনুনত

হাদ বারে যাং ধরিবার কাই তানি চাং দুবি যাই গভিনত।

সূত্রঃ- রদং ১৯৮৪ ইং

বিদ্রঃ- সুহৃদ চাক্‌মার এই কবিতাটি “জুম ঈসথেটিকস কাউন্সিল (জাক)” কর্তৃক প্রকাশিত সুহৃদ স্মারক গ্রন্থে সুহৃদ চাক্‌মার রচনাবলী বিভাগে  প্রকাশিত হয়।