সনার পোথ্যা

মৃত্তিকা চাকমা

———————————

সনার পোথ্যা রাজি সদক , চেরো হেত্যা
সমার ওই ছিদিযার জুর’ জুর’ বোয়েরান
ফোগেই উধের ট’ঘর পুগ’ আগাজে
আহ্ধ থেং বিলেই-দি স্বর্গ পুরিত ডাগি আনের বেগরে।

জুম্মবী পোথ্যা উধি খবং বানি
খুলিদের ঘরদোর ভাবী চার পদে পদ
এচ্যা দিনর আরেয়্যা কাম কি আঘে কি নেই ,
বর মাঘের নিত্য যেন এযান ওই ফুদি উধে তা ঘর তা দোরে।

পোথ্যা মেয়ে আভর ওই মানেয়োর দ্বিচোগে
চিগোন গুরউনে ফুল তুলন গুঁয়োই মাজা সাঝেবাক
পুগ যুগেও তারা গীদ থামেই যেই
ফুল’ রজ চুজ’ যেই ধুলিবেক পাগোরে পাগোরে।

এ পোথ্যা হেনর গুঁয়োই মাজা তবনাত
বঝিযায় আহ্ধরজুর , জুম্মবী ডাগি কয়
আয় আয় কোই যেই সনার পোথ্যা গোঝি যেই।

রচনা ঃ ২৩.০২.৭৯ইং