বেতাল মনর বাবর অধেলত

ভালুক দিন অল সোমায্যালোই সমার দি ন’পারঙ

যাত্যা মরে পর ভাবি বন্নাম তেজেরা উরে

মাত্তর সোমায্যাউনত্তুন কিয়ে ইত্তুক ও পুজোর ন’ এযে

না-ভিলে-দাঙ্গু ইঙিল্যা ওইয়্যা কি তর………

সোমায্যাউনর বেতাল্যা থোজরা আর বন্নামে

পোত্তি ইধো রূমে খুলি কঙর, আমল দোও

সেই মর ভালোক দিনর আভর খেয়্যা কেইয়্যাত

ভাঝি এস্যা কুর কুর আরা চাগ…….

কধে শুন্যাঙ বাবর অধেলত আগঙ বিলি

আরেয়্যা বাগ ন’ ধুজেই গরঙর মনঝক্কা

আর বানা দি আগঙ বেন তানা

তোল বিচ গোরি চেলুঙ জাত্যা অয়।

সেনত্যা ইঙিল্যা ভাবনাত পোরি আগঙ ফিরি পারিম কি না

দাঙ্গু লগ তমাইদু কোজোলি মর রাগাঙর

পর ন’ ভাপ্য চুধোমে

অধে অধ সোমায্যা সান সোমায্যা ওই আগঙ তজিমে।